CNRT Kaer Ukun Sei Fo Preriodade Ba Juventude Sira.

Dili MLP: Partidu CNRT preve ona programa ba juventude ho labarik bainhira hetan fiar husi povu atu kaer governu iha 2012-2017. Lia fuan hirak ne’e hasai husi Prezidente CNRT Xanana Gusmão iha Sentru KonvenSaun   Dili (CCD) iha loron Domingu (8/1) foin dadaun ne’e.
Perzidente Partidu CNRT  afirma katak, husi sensus 2010 hatudo katak populasaun jovem barak tebes, tanba ne mak governu se se deit preciza prepara metas hodi hare labarik ho jovem sira nia future. “CNRT iha programa konkreto hodi fo edukasaun, kapasitasaun hodi prepara labarik ho jovem sira ba aban bainrua. Ita lakohi ita nia oan sira ho future gerasaun kruza liman hodi tur iha dalan ninin la halo buat ida” tenik Xanana Gusmão.
Iha sesaun ba programa governu 2012-2017 durante Konferénsia Nasional CNRT nian, Komisaun B ne’ebé elabora assunto né hatudu momos programas nebe abranze hosi edukasaun infantile to prepara jovem sira ba kampo de trabalho. Maske programa ne detalhado ba jovem ho labarik né maibe komissaun B lakohi divulga sai, tanba sira sei elabora liu tan no so sei fo sai iha eleisaun kampaña 2012.

Timor Leste Konstituisaun RDTL artigu 18 ko’alia konaba direitu labarik. Artigu né hateten katak Estadu tenki garante katak labarik sira bele hetan mos direitu ida atu bele dezenvolve sira ba futuru. Nune mos, Estadu Timor leste rasik ratifika ona konvensaun internasional, kona ba direitu labarik lubuk ida iha nasaun né, maski ita hare labarik barak seidauk goza sira nia direitu loloos no futuru ba sira nakukun hela.
Kestaun maka labarik barak esforsadu sai husi uma atu bele ba buka moris iha dalan ninin hodi ajuda sira nia inan-aman, make Timor Leste rasik ratifika ona Konvensaun internasional konaba protessaun ba labarik.
Ministra Solidaridade Sosial (MSS), Maria Domingas Alves (Mikato) hateten bebeik ona katak, Governu sei esforsu hodi fo protesaun ba labarik sira ne’ebe iha risku violénsia ka labarik sira nebé vulneravel liu.
Tuir Sekretariu Jeral CNRT, Dionisio Babo, ekipa téknika ba elaborasaun programa governo diskuti konaba ba assunto labarik ho jovem nian no halo peskiza hodi bele hetan tan informasaun konaba “design” programa labarik nian, maibe rezultado ka plataforma ba sector ida né sei fó-sai hamutuk ho programa governu antes da eleisaun geral 2012.
“Tanba né hanesan ona parte husi CNRT nia komitmentu atu hasai povu husi kiak no mukit no lori paz, estabilidade, demokrasia, unidade nasional no dezenvolvimentu ba ita nia rain” hateten Dionisio Babo foin dadauk né. (pad)http://www.partidocnrt.com/index.php?option=com_content&view=article&id=1104:cnrt-kaer-ukun-sei-preriodade-ba-juventude-sira&catid=29:notisia-cnrt&Itemid=154